Actualidad

« Atrás

Presencia del asturianu nun llibru sobre les llingües del Noroeste ibéricu

La editorial alemana LINCOM vien d’espublizar el llibru colectivu tituláu El mapa lingüístico del noroccidente ibérico: Contacto, variación y cambio, qu’examina variaes cuestiones relatives a les llingües romániques del Noroeste de la Península Ibérica, concretamente gallegoportugués y asturlleonés.

L’asturianu ta representáu pol trabayu de Miguel Rodríguez Monteavaro tituláu «Fronteras internas del asturleonés: el neutro de materia en la zona centro-occidental de Asturias». Trátase d’un aspectu de los qu’investigó l’autor na so tesis doctoral dedicada a la frontera xeolectal ente l’asturianu central y occidental, na qu’introduz metodoloxía dialectométrica.

L’asturlleonés ta tamién presente en trabayos relativos al lleonés y al mirandés, amás del contactu ente asturianu y castellanu.

CONTENÍU DEL LLIBRU

Xavier FRÍAS CONDE: «Los diasistemas del noroccidente ibérico: una introducción sociolingüística».

●Borja ALONSO PASCUA: «Geometría de tiempos: formas y lecturas del pretérito perfecto en el castellano en contacto con el gallego».

●Javier RIVAS & Esther L. BROWN: «El infinitivo flexionado en gallego: un análisis léxico basado en el uso».

●Alba AGUETE CAJIAO: «Principales cambios sociofonéticos en el vocalismo gallego actual».

●Matthew J. BURNER: «Las vocales temáticas en castellano y asturiano: un recurso para la interpretación semántica».

●Miguel RODRÍGUEZ MONTEAVARO: «Fronteras internas del asturleonés: el neutro de materia en la zona centro-occidental de Asturias».

●Alberto GÓMEZ BAUTISTA: «El verbo mirandés».

●José Luis HERRERO INGELMO: «El leonés medieval: entre latín y el romance. Notas léxicas salmantinas».

●Alejandro JUNQUERA MARTÍNEZ: «Voces leonesas y occidentales en el léxico hispánico del siglo XVII.».

FICHA BIBLIOGRÁFICA

TORRE, Enrico (ed.) (2022): El mapa lingüístico del noroccidente ibérico: Contacto, variación y cambio, München: LINCOM Studies in Spanish Linguistics, 200 pp. [ISBN 9783969391037 (Hardcover)].