Actualidad

« Atrás

Llingüística asturiana na Universidá de Zúrich

Los díes 2 y 3 de xunu del 2022 celebróse na Universidá de Zúrich (Suiza) el VI Alcuentru WEDISYN, que ye la sigla de Westmost Europe Dialect Syntax [Sintaxis Dialectal del Occidente Caberu d'Europa], y dedícase a los fechos de variación de les llingües de la Península Ibérica.

Nesta edición del WEDISYN, la llingüística asturiana tevo representada por trés comunicaciones:

●Ramón de Andrés Díaz, «Colocación de clíticos pronominales en la frontera entre el gallego y el asturiano».

●Miguel Rodríguez Monteavaro, «Nuevos datos de morfosintaxis verbal del área centro-occidental de Asturias».

●Xulio Viejo Fernández, «Número asociativo, concordancia ad sensum y cuantificación en asturiano».

Nel Alcuentru hebo comunicaciones referíes al castellanu (incluyendo Canaries y Colombia), portugués y catalán, amás de contribuciones referíes a fenómenos panibéricos y otres  de conteníu teóricu y metodolóxicu. Como xestu de la universidá anfitriona, hebo tamién una intervención sobre’l francés de Suiza y el franco-provenzal.

Nesti enllaz puede atopase más información d’esti Alcuentru:

https://www.spur.uzh.ch/en/veranstaltungen/workshops/2022/VI-Wedisyn-Meeting--Westmost-Europe-Dialect-Syntax.html