Actualidad

« Atrás

A vueltes con Cuadonga como tema lliterariu asturianista

Xuan Carlos Busto Cortina: «“Covadonga” as a literary theme of Asturian and Spanish regionalism and nationalism». En Revisiting Centres and Peripheries in Iberian Studies: Historical Processes, Social Change and Cultural Representations, Cambridge: Cambridge Scholars Publishers, 2019, pp. 19 - 39. ISBN 978-1-5275-3689-0.

El tema de Cuadonga naz al calor de la exaltación de los ideales de relixón, monarquía y llibertá que conformaron la idea nacional d’España na primer metá del XIX. Na segunda metá, al par que se rematen los trabayos d’ameyoramientu en Cuadonga y l'edificación de la basílica que convierte’l llugar nún de los principales n'España pola so simboloxía sagrada, les poesíes que se-y dediquen van amontar el so componente relixosu y marianu, bien importante tamién en cuasi tol sieglu XX.

Na poesía de posguerra, el tema de Cuadonga va caltener la so orientación relixosa y paisaxística tamién ente los poetes del esiliu. La lliteratura del Surdimientu quixo caltener nun principiu la vixencia del mitu como símbolu d'Asturies, de la so llibertá y autonomía. Sicasí, l’ambivalencia del mitu na so dimensión fundacional de la nación española provocó’l so cuasi total escaezu ente los poetes y narradores de los postreros trenta años.