News

« Back

Preséntase l'atles llingüísticu ETLEN en Santiago de Compostela

El próximu miércoles 14 de marzu, a les 13:00 hores, va presentase nel Instituto da Lingua Galega, en Santiago de Compostela, el nuevu atles ETLEN, qu’estudia la frontera llingüística ente los dominios gallegoportugués y asturlleonés na faza más occidental d’Asturies.

El prestixosu Instituto da Lingua Galega (ILG), de la Universidá de Santiago de Compostela, ye una de les instituciones cimeres del idioma vecín. Dedícase a la investigación llingüística y promueve publicaciones, conferencies, congresos, proyectos y toa mena d’iniciatives d’ámbitu científicu. Collabora cola Real Academia Galega nos aspectos técnicos de la normativización de la llingua. El so director ye Ernesto X. Gonzáles Seoane, y el secretariu Francisco Dubert García.

Ficha bibliográfica:

Andrés Díaz, Ramón d' (dir.); Álvarez-Balbuena García, Fernando; Suárez Fernández, Xosé Miguel & Rodríguez Monteavaro, Miguel (2017): Estudiu de la Transición Llingüística na Zona Eo-Navia, Asturies (ETLEN). Atles dialectográficu - horiométricu - dialectométricu, Uviéu: Ediciones Trabe, 1088 páxines. ISBN:  978-84-8053-892-3.