News

« Back

Preséntase l'atles ETLEN na Universidá d'Uviéu

Presentación del atles

 

Estudiu de la Transición Llingüística na Zona Eo-Navia, Asturies (ETLEN).

Atles llingüísticu dialectográficu - horiométricu - dialectométricu

 

Día: xueves 15 de febreru del 2018.

Hora: 19:30 de tarde.

Sitiu: Aula Escalonada del edificiu históricu de la Universidá d’Uviéu (c/ San Francisco, Uviéu).

Falen:

D. Santiago García Granda, rector de la Universidá d’Uviéu.

D. Ramón d’Andrés Díaz, director de la obra.

D.ª Esther Prieto, directora d’Ediciones Trabe.

Prestábanos cuntar cola to presencia. Entrada llibre al públicu en xeneral.

L’atles ETLEN estudia la frontera ente los dominios llingüísticos gallegoportugués y asturlleonés, na faza más occidental d’Asturies. La obra ta dirixida pol Dr. Ramón d'Andrés, profesor titular de Filoloxía Asturiana na Universidá d'Uviéu y coordinador del Seminariu de Filoloxía Asturiana, xunto colos llingüistes Fernando Álvarez-Balbuena, Xosé Miguel Suárez y Miguel R. Monteavaro. Esti llibru, frutu d'una investigación entamada nel añu 2000 y financiada pola Universidá d'Uviéu, la Conseyería d'Educación y Cultura y el Ministeriu d'Educación, Cultura y Deporte, ye la obra más completa sobre la realidá llingüística del Eo-Navia (gallego-asturianu).

Ficha bibliográfica:

Andrés Díaz, Ramón d' (dir.); Álvarez-Balbuena García, Fernando; Suárez Fernández, Xosé Miguel & Rodríguez Monteavaro, Miguel (2017): Estudiu de la Transición Llingüística na Zona Eo-Navia, Asturies (ETLEN). Atles dialectográficu - horiométricu - dialectométricu, Uviéu: Ediciones Trabe, 1088 páxines. ISBN:  978-84-8053-892-3.