News

« Back

Llibru de testu universitariu de Llingua Asturiana

Acaba de ver la lluz un nuevu llibru de gramática asturiana: Averamientu a la llingua asturiana - Nivel universitariu, de Ramón d’Andrés. Trátase d’un llibru de testu pensáu sobre manera pa los estudiantes de l’asignatura «Llingua Asturiana - 1» del Mínor d’Asturianu de la Facultá de Filosofía y Lletres de la Universidá d’Uviéu, por más que pue se-yos d’interés pa toes aquelles persones a les que-yos pete averase a la conocencia de la nuestra llingua con della formación llingüística.

Los diversos capítulos acompáñense de bibliografía específica y exercicios de les materies vistes.

El llibru edítalu’l Serviciu de Publicaciones de la Universidá d’Uviéu, na so colección «Textos Universitarios». Na so web puen atopase más informaciones:

https://publicaciones.uniovi.es/catalogo/publicaciones

FICHA BIBLIOGRÁFICA

Andrés, Ramón d’ (2019): Averamientu a la llingua asturiana - Nivel universitariu, Uviéu: Serviciu de Publicaciones de la Universidá d’Uviéu. 494 páxines. ISBN: 978-84-17445-40-9.

ÍNDIZ DEL LLIBRU

1. Vocales y entonación.

2. Consonantes.

3. Verbos.

4. Pronomes.

5. Xéneru, númberu y concordancies.

6. Artículu y determinantes.

7. Alverbios, preposiciones, conxunciones y relativos.

8. Formación de palabres.

9. Léxicu patrimonial básicu.

10. L’usu del asturianu escritu.

11. L’usu del asturianu faláu.

12. Orientaciones bibliográfiques.

13. Dellos recursos na Rede.

Apéndiz ortográficu.