News

« Back

Presentóse la web “Dictadoloxía Tópica d'Asturies” (DTA) nel VIII Congresu Internacional de Lexicografía de Valencia

El proyectu Dictadoloxía Tópica d’Asturies (DTA) presentóse’l pasáu día 27 de xunu dientro del VIII Congresu Internacional de Lexicografía Hispánica, celebráu na Universidá de Valencia.

El proyectu DTA tien como referente la páxina web del mesmu nome, d’accesu llibre. Consiste nuna gran base de datos consultable que recueye, de mou organizáu, xentilicios, nomatos, refranes y coples referíos a los topónimos d’Asturies. La base de datos crez col pasu del tiempu, gracies a la introducción d’información nuevo que xestionen los responsables del proyectu, Ramón d’Andrés y Luis Casteleiro.

Les fontes d’información son, pel momentu, diverses publicaciones (artículos, llibros, vocabularios, diccionarios, etc.) que recueyen “dictaos tópicos” sobre los llugares d’Asturies. La web entamó, de mano, colos materiales asturianos del Diccionario Geográfico Popular de España (DGPE), que Camilo José Cela proyectó nos años 70. Por eso, la web tien dos carátules: una como DTA y otra como DGPE, anque los conteníos son cuasi los mesmos.

L’usuariu pue buscar información según

‒Tipu de “dictáu tópicu”: xentilicios, nomatos, refranes y coples referíos a llugares d’Asturies.

‒Llugar d’Asturies: conceyu, parroquia, llugar.

La web ye la siguiente:

‒Como DTA:

https://www.unioviedo.es/dgpeasturies/dta/

‒Como DGPE-Asturies:

https://www.unioviedo.es/dgpeasturies/