Actualidad

« Atrás

Presentóse l’atles ETLEN en Madrid, nel Congresu Internacional d’Estudios Gallegos

 

Nel contestu del XII Congreso de l’Asociación Internacional d’Estudios Gallegos, celebráu na Facultá de Filoloxía de la Universidá Complutense de Madrid, presentóse’l pasáu 14 de setiembre l’atles llingüísticu ETLEN, completu estudiu de xeografía llingüística de la zona Eo-Navia, frontera ente los dominios del asturlleonés y del gallegoportugués nel cabu occidental d’Asturies. L’ETLEN ye frutu d’una investigación entamada nel añu 2000 por un equipu de la Universidá d’Uviéu; ofrez novedosa cartografía llingüística de la zona Eo-Navia (Asturies), qu’inclúi mapes d’estadística llingüística de dos menes: horiométricos y dialectométricos.

FICHA BIBLIOGRÁFICA:

Andrés Díaz, Ramón d' (dir.); Álvarez-Balbuena García, Fernando; Suárez Fernández, Xosé Miguel & Rodríguez Monteavaro, Miguel (2017): Estudiu de la Transición Llingüística na Zona Eo-Navia, Asturies (ETLEN). Atles dialectográficu - horiométricu - dialectométricu, Uviéu: Ediciones Trabe, 1088 páxines. ISBN:  978-84-8053-892-3.