Actualidad

« Atrás

Nueva Ferramienta Llingüística: OSLIN-AST

OSLIN-AST ye'l nome d'una nueva ferramienta llingüística d'usu llibre n'Internet. Trátase d'un flexonador de palabres, esto ye, una base de datos interactiva que muestra toles variaciones gramaticales y formales que caúna de les palabres de la llingua asturiana pue tener, d'acordies cola normativa del estándar académicu.
 
La dirección d'OSLIN-AST ye:
 
 

Usos d'OSLIN-AST:

  • FLEXONADOR DE PALABRES. Escribiendo una palabra, OslinAst ofrez la so flexón, esto ye, toles variaciones gramaticales y formales: variaciones de xéneru, de númberu, de conxugación verbal. Amás, remite a una palabra que se garra como modelu flexivu, y ofrez la llista de toles palabres que siguen la mesma flexón. Cuando una forma coincide con dos o más palabres, ofrez la flexón de toes eses palabres. Informa tamién de si esa palabra ta nel diccionariu de l'Academia de la Llingua, col qu'hai un enllaz.
  • CONXUGADOR DE VERBOS. OslinAst ye, na práctica, una gran base de conxugación de verbos asturianos.
  • DICCIONARIU INVERSU DEL ASTURIANU. OslinAst Busca tamién llistes de palabres qu'entamen, acaben o contienen una secuencia de lletres escoyida. Na práctica, fai de diccionariu inversu o de terminaciones.
     

OSLIN-AST ye frutu d'un conveniu ente la Universidá d'Uviéu (Seminariu de Filoloxía Asturiana) y l'Institut Universitari de Lingüística Aplicada (IULA) de la Universitat Pompeu Fabra de Barcelona. Intégrase dientro'l proyectu OSLIN (Open Source Lexical Information Network), coordináu por Maarten Janssen y pol IULA de Barclona, n'andecha col Seminariu de Filoloxía Asturiana.