Actualidad

« Atrás

Materiales asturianos del "Diccionario Geográfico Popular de España" de Camilo José Cela

 
El Seminariu de Filoloxía Asturiana de la Universidá d'Uviéu anuncia la inauguración del portal web DGPE-Astur. Nél ufiértense, pa consulta pública, los materiales asturianos del Diccionario Geográfico Popular de España (DGPE), proyectu inéditu del fallecíu escritor Camilo José Cela. Les señes del portal son:
 
 
 
Estos materiales, qu'agora tán al algame de los investigadores y del públicu en xeneral, fórmenlos xentilicios, nomatos, cantares y refranes referíos a los topónimos y los habitantes de los distintos llugares y pueblos d'Asturies. La busca pue facese por tipu d'espresión (xentiliciu, nomatu, cantar, refrán), por conceyu o por llugar.
 
El portal DGPE-Astur ye frutu d'un conveniu ente la Universidá d'Uviéu (Seminariu de Filoloxía Asturiana) y la Fundación Pública Gallega «Camilo José Cela», institución onde se custodien los materiales que Cela foi atropando en vida pa iguar el so DGPE, que finalmente quedó inéditu.
 
Los responsables del DGPE-Astur son los filólogos Luis Casteleiro Oliveros y Ramón d'Andrés Díaz.