Actualidad

« Atrás

"Estudios escogidos" n'homenaxe a Álvaro Ruiz de la Peña

Estudios escogidos ye’l llibru dedicáu al profesor Álvaro Ruiz de la Peña, con motivu de la so xubilación. Editáu por Elena de Lorenzo, Ramón d’Andrés y Xulio Viejo, recueye un conxuntu de ventinueve trabayos d’investigación del homenaxáu, que s’atopaben espardíos per diverses revistes especializaes y en diferentes époques.

Los trabayos clasificáronse en trés bloques temáticos: nueve en “Siglo XVIII”; ocho en “Lengua y literatura asturianas”; y doce en “Literatura española de los siglos XIX y XX”. Pieslla’l llibru una bibliografía completa del profesor Ruiz de la Peña.

El llibru ta editáu pol Institutu Feijoo d’Estudios del Sieglu XVIII y el Seminariu de Filoloxía Asturiana, al traviés del Serviciu de Publicaciones de la Universidá d’Uviéu.